HStAOrient5a: 65r

müyesserdür. Pes çün bu iki aṣl‑i kāmil ve ʿilm‑i yaqīnī bu iki // aṣldan ḥāṣıl oldı ise bize vācib oldı‑ki umūr‑i // ġaybīyeden her emr ki Allāh ve resūli bize teblīġ ėde aña taṣdīq // ü īmān getürüb maḥkūm‑i fermān olavuz [ne keyfīyetinden suʾāl ėdevüz] ve ne kemmīyetinden vehm // ü ḫayāl qullanavuz. Mebādā ki ol keyfīyet bizi ser‑mest‑i vādī‑i // ḥayret ėdüb rāh‑i żalālete ilqā ėde. Naʿūḏu bi‑llāhi mina l‑ḥawr // baʿda l‑kawr. Mesʾele: Qawluhū taʿālā: Lā uqsimu bi‑hāḏā l‑baladi wa‑anta ḥillun // bi‑hāḏā l‑balad. el-āye. Müfessirīn eyidürler ki beledden murād Mekkedür. Pes [maʿnāsı] beled‑i Mekkeye qasem ėtmezem dėmek olur. Ve ittifāq‑i müfessirīn budur ki // Wa‑t‑tīni wa‑z‑zaytūni wa‑hāḏa l‑baladi l‑amīn qavlinde qasem olınan // beled‑i emīn Mekkedür. Bu taqdīrce kelāmeyn mā‑beyninde tenāquż oldı. // Cevāb dėmişler ki maʿnā‑yi āyet dėmekdür ki qasem ėtmezem Mekkeye // mādām‑ki sen Mekkede olasın. Zīrā senüñ ḥużūruñda qasem // senüñ üzeriñe olur ki ṭırāz‑i la‑ʿamruka ile muṭarraz ve tāc‑i Law lāka // ile mütevvecsin Mekke üzerine olmaz. Allāh taʿālānuñ Wa‑anta ḥillun // bi‑hāḏā l‑balad dėdügi bu maʿnāya müsneddür. Bunuñ mis̱li oldur ki // mādām‑ki ṣadefde dürr mevcūd ola ṣadefüñ qıymeti nā‑būd olur. // Ammā çünki dürr ṣadefden cüdā ola ṣadef içün daḫı qadrince // qıymet peydā olur. Ammā wa‑hāḏā l‑baladi l‑amīn qavlinde qasem Mekkeye